What Is Faith Aqidah Kya Hai Imaan Kaisa Hona Chahiye Most Teach Islam

aqaide ahle sunnat
What is faith Aqaid
What is faith aqidah kya hai or kaisa hona chaiye quraan hadith ki roshni me jaane

Aqidah ke logvi mana  dil mein jamaya huva yaqeen ,imaan or aitqaad ke hain Aqidah ki jamaa aqaid hain. momin hone ke liye jin batun ki dil se tasdik or zaban se iqrar hona jaruri hai unhen islami aqaid kaha jata hai.aqaid ki durustgi or islah ke bina achhe se achhaa (amal) abhyaas bhi allah ki baaragaah mein svikaar nahin (qabool). irshaade khuda wandi hai 


Tarjama-
Apne rab se munkirun ka haal aisa hai ki unke kaam hain jaise raakh ki us par hava ka sakht jhonka aaya aandhi ke din mein saari kamaee mein se kuchh haath na laga. yahi hai door ki gumrahi       (S.ibraheem / 18


isi liye sabit hua ki yadi koi bhi insaan bahut achhe karm ka bhandaar(zakhira) jamaa kar le lekin aqaid mein danga wo fasad ho to yeh zakhirah raakh ka dher sabit honge. isi haqiqat ko saamne rakhte hue ulmae ahale sunnat ne aqaid ke mozou (vishay) par bahut kuchh likha. unhen mein se ek mukhtasar  kitaab sarkar  Aalahazarat imaam ahale sunnat r,t.a. ke khalifa sadrul afazil Hazrat maulana saiyad mohammad naeem uddeen muraadabaadi ne tehreer farmai jise bilkul saaf or bahut aasan zabaan me koi bhi padh kar aasani se aqaid ke metar ko samajh sakta hai

Hamara aqidah kaisa hona chahiye

duniya ki har cheez adalti badalti rahati hai (1). aur kabhi na kabi bani thi or 1 na 1 din khatam ho jaengi (2) to jaroor in sab baton ka koi khaliq paidah karne wala hai (3) usi ka name allaah paak  hai. Woh hamesha hamesh rahega. vahi pure sansaar (World) ka banane vaala hai. aakaash,(aasman) prthvee, (zameen) chandarma, (chand) taare, insaan, jaanvar aur jitni baaten hain sab usi ne banaya. vahi paalta hai sab usi ke mohataaj hain. rozee dena jilaana (4), maarna sab usi ke ikhtiyaro qudrat  mein hai. Woh sab ka maalik hai jo chaahe kare uske hukam mein koi dam nahin maar sakta (5). Woh har kamaalo  khoobi ka badshah hai aur har Aeib aur nuksaan aur burai se paak hai woh zahiri or batni batun ko janta hai koi bhi cheez uske ilm (gyaan) se bahar nahin. jaise usaki  zaat hamesha se hai or uski tamam sifaaten (khubiyan) bhi hamesha se hai  uska ilm bazate khud hai kisi ka ataa kardah nahi or kainaat ki har cheez usi ki banai hui hai woh jab chaega isko fana kardega jab tak chahega baqi rakhega yeh dunya usi ke hukam se bani Quraan me likha hua hai (kun fayakoon) iska matlab ki usne jab dunya ko banana chaha to farmaya hoja to hogai yeh uski taqat hai fir kamaal ki baat yeh hai ki allah paak khane pine sone unghne uthne bethne se bhi paak hai yani yeh sab hum insanun ke liye hai allah ki zaat in sab cheezun se paak hai be Aeib hai kyun ki yeh uski shaan ke laiq nahi

hum sab uske daas (Bande) hain or woh hamen hamare maa baap se 70 guna ziyadah pyar mohabat farmata hai ,woh bahut hi meharbaan ,or taubah qabool karne vaala.hai magar yeh bhi naa bhulen ki

Uski pakad bahut sakht hai koi bhi uski pakad se chhoot nahin sakata. sammaan, apamaan (izzat wo zillat) usi ke ikhtiyaar mein hai. jise chahe izzat de, jise chahe zaleel kare, jise chahe ameer kare jise chahe Fakeer kare. jo kuchh karata hai yahi hikmat or insaaf hai musalmanun ke liye

                            >>>>>> You May Also Read Taqdeer Kya Hai <<<<<<<


Jannat ataa karega or kaafirun ko dozakh me azaab karega uska har kaam hikmat hai bandun ki samajh me aae ya naa aae uski neamaten uske ahsaan be intiha hain wahi uska mustahiq hai ki uski ibadat ki jae or koi bhi ibadat (pujne) ke laiq nahi

Allah taala hayyun qayyoom (zindah qaim) qadeer (qudrat) samiun baseer (sunne dekhne) mutkalim (baat karne) aleem (janne) mureed (iradah) hai naa woh kisi ka baap hai na beta na koi uski bibi na koi rishtedar  sab se be niyaaz sabka paidah karne vaala mera maula
sabase behatar afzal sab Se aala
jag ka khaliq sabaka maalik wahi baqi wahi halik
sachcha maalik, sachcha, aaqa,
sab ko wahi deta hai rozee neamat uski daulat uski
Raziq, daata, paalan haara,
ham sab uske aajizz bande hai  vahi paale vahi maare
khoobi vaala sabase niyara,
Awwal  aakhir gaayab haazir us ko roshan us par zaahir
Aalim, daana, waqif, izzat vaala, hikmat vaala, neamat or rehmat vaala,

Ta`ate Sajdah Uska Haqq Hai Usi Ko Pujo Wahi Sab Ka Rab Hai Rab Hai

To mere dostun yeh sab baaten hamre zahin me honi chahiye ki jo kuchh upar ke metar me likha hai haqq hai or in par hamara pukhta kamil yaqin hona jaroori hai agar in likhit batun par be yaqini to kya agar sui ke nok ke barabar bhi shak hogaya to hamara Aqidah bad aqidah kehlaega jiski bina par hamari namaz roza zakaat hazz umrah sadqah yahan tak ki koi bhi achha kaam karlen koi faidah nahi becuse ki jiss zaat ke liye yeh sab kar rahe hai uss par aapko yaqin hi nahi to kis kaam ki yeh ibaadaten riyazaten sab bekaar hai iss liye apne Aqaid ko pehle durust kijiye fir aamaal ki jiye insha allah deeno dunya kaamyab hogi 

What Is Faith Aqidah Kya Hai Imaan Kaisa Hona Chahiye Most Teach Islam What Is Faith Aqidah Kya Hai Imaan Kaisa Hona Chahiye Most Teach Islam Reviewed by shahadatsherani indian on 11:15:00 Rating: 5

No comments:

Aapko ye post kaisi lgi ? Apni raay comments box me jarur de.or hmari honsla afzai kren.Aapki raay hmare liye keemti hai.

Powered by Blogger.