16 Top Secret Divorce-Talaaq Ke All Masail Islamic Best Knowladge

www.aboutislam786.blogspot.com
Talaaq Ke Masail
What Is Divorce ? Talaaq Kya Hai Compleet Masail About Talaaq Islamic Knowladge
A. Har shakhs ko in masail ka sikhna jaruri hai jiski use mojodah waqt mein jarurat aur jin cheejun ke saath uska taaluq hai for Example..namaji ke liye namaj ke faraiz,wajibaat,fasid,ya naqis (namaj-todne) vaali batun ka sikhna jaruri hai same to same roza rakhne vaale ke liye roza todne vaali cheejun ka janna jaruri hai tijarat karne vaale ke liye sale-purchase- ke masail janna lazim hai auratun ke liye haiz-o-nifaas (mahwari) aur shohar ke huqooq ke mutaaliq masail aur shohar ke liye biwi ke huqooq aur khaas dinun mein uske karib jane ke masail ka janna jaruri hai theek usi tarah talaaq (divorce) ke masail hain haan jab tak talaaq ki nobat nahi aati koi baat nahi magar jab talaaq ka pukhta iradah ho jae to uss waqt jaruri hai ki talaaq ke masail sikhe ki talaaq kaise di jaati hai ? Kin halaat me talaaq dena jaiz hai ? Kitni talaaqen dena jaiz hain ? aur talaaq ke kya kya masail hain? Etc. Lihaza jo shakhs bhi talaaq ka iradah kare to us waqt usko talaaq ke masail ka janna jaruri vo lazim hai but pehle se janna mustahab (good) hai mojodah jarurat se ziyadah ilm mustahab hai –[khulasa-e-fatawa-razaviya]

Q. 2. Kya bina kisi wajah ke talaaq (divorcé) dena jaiz hai ?
Ans. Bina kisi wajah aurat ko talaaq dena jaiz nahin aaj kal chhoti chhoti baatun par aurat ko talaaq de diya jata hai aur fir Ulma-E-kiraam ke paas jakar rote hain pehle hi soch samajh kar aisa nazuk faisla karna chahiye abu daood shreef ki hadise paak mein hai ki [ Allah taala ki baargah mein sabse na pasan didah halaal kaam talaaq dena hai] bina jarurat talaaq dena mamnu aur bahut bada gunah qarar diya gaya hai

Q. 3. Kya aurat ke liye talaaq ka mutalba karna jaiz hai ?
Ans. Agar miyan biwi mein na ittefaqi rehti hai aur yeh gumaan ho ki ahkaame shareyah ki pabandi nahi kar sakenge to aurat shohar saath khulaa  karke talaaq le sakti hai lekin shohar ki taraf se kisi qisam ki aziyat (takleef) ke bagair aurat ka shohar se talaaq ki maang karna haraam hai 1 hadeese paak ka mafhoom hai ..jiss aurat ne apne shohar se bagair shdeed vo sakht jarurat ke talaaq ka mutaalba kiya uss aurat par jannat ki khushboo haraam hai
Aaj kal auraten aala qisam ka khana na milne ki wajah se  aur maik up ka samaan na milne par apne rishte daarun ke han jane ki ijazat na milne mushtarkah ghar mein alag kamrah milne ke bawajood alag ghar ki maang puri na hone par aur iss tarah ki lakhun chhoti chhoti baatun par talaaq ka mutalbah karti hain jo bilkul galat hai aur aisi auraten hi sakht azaab ki mustahiq hain aur aise hi woh maan-baap- aur behan-bhai aur dusre rishte daar bhi jo aurat ko baatun aur wajuhaat ki bina par talaaq iene parubhaarte uksate hain aur shohar ko dhamkate aur talaaq ka mutaalba karte hain aur aurat ko zabardasti ghar (maayke) mein bithaa lete hain woh sab bhi iss gunah aur waeed (jannat ki khushboo-nahi paenge) mein shamil hai aur kuchh hadisun mein bina kisi wajah ke talaaq ka mutaalba karne vaali auratun ko munafiqah qaraar diya gaya hai ¡

Yeh Kaisi Shaadi Anokha Samaj Anokhi Rasmen Beautifull Topic 👈

Q.4. Kya aurat ba-zaate khud court se talaaq le sakti hai?
A. Talaaq ka ikhtiyaar shariat ne mard ko diya hai iske siwa koi dusra talaaq nahi de sakta Quraane paak mein irshade khudawandi hai 
 الَّذِیۡ بِیَدِہٖ عُقْدَۃُ النِّکَاحِ ؕ ' ' woh jiske haath mein giroh hai
  ''(البقرۃ۲۳۷)
Aur 1 Hadise paak mein hai :-  الطَّلاَقُ لِمَنْ اَخَذَ بِالسَّاقِ ''

Tarjamah : aur talaaq wahi de sakta hai jis ne uske saath jimaa (sex) kiya ho
Lihazaa agar cort ne shohar ke talaaq diye bagair 1 tarfa aurat ke haqq me faisla karke talaaq dedi to iss tarah talaaq nahi hogi aur aisi surat mein uss aurat ka nikah dusri jagah karna sakht haraam aur zinna (balaatkaar) hai 

Q.5. Aurat ko kin halaat vo suratun me talaaq dena gunah nahi ?
A. Aurat shohar ko ya shohar ke ghar vaalun ko takleef pahunchati hai ya Namaj nahi padhti,hai ya aurat be-hayaa- zaaniyah bad kirdaar hai to aisi surat mein shohar ke liye talaaq dena jaiz hai aur kuchh suratun mein to jaruri hai yani wajib hai For Example :- shohar na mard hai ya hijrha (mukhannas) ya uss par kisi ne jaadu ya amal kar diya hai ki jiski bina par woh (sexx) nahi kar sakta aur uske izalah (door na hone) ki bhi koi surat nazar na aati ho to in tamam suratun mein aurat ko talaaq dena mard par wajib-jaruri hai jabki aurat saath rehne par raazi na ho

Q.6. Agar talaaq gusse me di jae to waqe hogi ya nahin?
A. Agar gussa iss had
Tak ka ho ki Aqal jaati rahe matlab aadmi ki haalat paglun vaali hojae to aisi baalat me di hui talaaq sahi  ahin maani jaegi lekin aisi haalat laakhun mein kisi 1 ki paai jati hai ziyadah tar aisi haalat nahi milti balki gusse ki aakhri haalat yahi hoti hai ki rag-rag phool jae aur jisam pura kanpne lage chehra surkh (red-face) ho jae aur bolne mein kap kapi paidah hojae to aisi condition mein ya iss se kuchh kam gusse mein talaaq di to waqe hojaegi + aaj kal yahi haalat hoti hai baad mein kehte hain ki janab hum ne to gusse ki haalat mein talaaq di thi aise logun se meri khaas request hai ki talaaq (divorce) insaan gusse hi mein deta hai na ki pyaar mohabbat me koi kisi ko talaaq deta hai lihazaa yeh Uzar (bahana-baazi) sahi nahi hogi ki gusse me talaaq di gai thi

Q.7. Agar talaaq ke waqt aurat mojood na ho to talaaq hogi ya nahin?
A. Talaaq ke liye biwi ka wahan mojood hona jaruri nahin shohar biwi ke samne talaaq de ya dusre rishte daarun ke samne ya friends ke samne ya bilkul tanhaai mein har haal mein agar shohar ne itni aawaz se talaaq ke alfaaz kahe ki uske kaan sun-le ya kaanun ne shor sharabe ki wajah se suna to nahi lekin aawaz itni thi ki agar aahista sunne ka marz ya shor wagairah na hota to kaan jaroor sun-lete  to ab aisi surate haal mein talaaq waqe hojaegi kisi dusre shakhs ka mojood hona ya biwi ya kisi dusre ka talaaq ke word sunna koi jaruri nahi hai

Q.8. Agar friends ya wife se mazaaq (jocks) karte hue biwi ko talaaq dedi to kya talaaq hogi ya nahi ?
A. Talaaq ka muaamla aisa hai ki mazaaq mein dene se bhi talaaq waqe ho jati hai 1 hadise paak mein hai ki 3 cheejen aisi hain ki un mein sanjeedgi bhi sanjeedgi hai aur mazaaq bhi sanjeedgi hai khulasa-e-hadis yeh hai ki mazaaq mein bhi wahi hukam hai jo sanjeedgi mein hai (Nikaah,Talaaq,Nikaah-ke baad) rujoo karna [mishkaat-P284]
Iss liye agar kisi ne apni biwi ko sirf mazaaq,filam,ya darama mein talaaq di to bhi talaaq hojaegi ab koi safai nahi chal sakti ki humne to mazaaq ya filmy darama etc ki surat mein kaha tha sab bahane baazi bekaar hai

Q.9. Agar kisi aadmi ko qatal (morder) ki dhamki dekar talaaq dene par majboor kya gaya aur dhamki dene vaala haqiqat mein aisa karne par qudrat rakhta hai aur usi ke darr se talaaq de-di to talaaq hogi ya nahi ?

A. Iss masa'ale ki  chand suraten hain 1 agar majboor karne par zabaani talaaq di to waqe hojaegi 2 agar majboor rarne par likhit talaaq di ya talaaq ke parche par dast-khat kardiye aur dil mein bhi talaaq ki niyyat karli to talaaq hogai 3 agar majboor karne par likhit talaaq di aur azabaan se kuchh na kaha aur na hi dil mein niyyat ki to ab talaaq nahi hogi

Q.10. Agar aurat talaaq lene se inkaar karde ya talaaq ka pepar farhde ya aurat ka baap,bhai,talaaq ka parcha farhde to talaaq hogi ya nahi?
A. Talaaq ke liye aurat ka qabool (accept) karna jaruri nahi shohar ne jab talaaq ke word zabaan se adda kardiye to talaaq waqe hogai aurat ya uske ghar vaale accept kare ya na kare yahi haal parcha farhne ka hai but chand suraten hain

Q.11. Agar talaaq ke waqt aurat ko haiz (mah'wari) ya hamal (pregnent) ho to talaaq hogi ya nahi?
A. Haiz-hamal 2 donun halatun mein talaaq ho jaati hai al-battah haiz ki haalat mein talaaq dena gunah hai aur agar 1 ya 2 talaaqen rajee di ho to rujoo karna (palatna) wajib hai chunanche  hadise paak mein hai :- hazrate abdullah bin umar r.a. ne apni biwi ko haiz ki haalat mein 1 talaaq di to nabi-epaak s.a.w.ne unhen talaaq se rujoo (wapas-lene) karne ka hukam diya aur farmaya ki rujoo karke fir tohar yani paaki ke din guzar jaen fir haiz ke din aaen fir jo din paaki ke aae un mein talaaq den (bukhari,muslim,mishkaat) lihaaza jo shakhs haiz ki haalat mein aurat ko 1 ya 2 talaaqen den to laazim hai ki rujoo kare ki uss haalat mein talaaq dena gunah tha agar talaaq deni hi hai to uss haiz ke baad paaki ke din guzar jaen fir haiz aakar paak ho to ab talaaq den yeh hukam uss waqt hai ki jimaa (sexed) se rija'at ki ho ya agar qaol ya bosa lene ya chhune se rija'at ki ho to uss haiz ke baad jo tohar (paaki) hai uss mein bhi talaaq de sakta hai uske baad dusre tohar (paaki ke dinun) ke intzaar ki jarurat nahi
Aur jahan tak hamal mein talaaq dene ka taaluq hai to uss surat mein talaaq waqe bhi hojati hai aur uss mein kuchh ghunah bhi nahi sirf dusri suratun ki nisbat yeh farq aata hai ki iddat bachaa janne tak hojati hai ab chahe 1 din baad bachaa jane ya 9 month baad

Q.12. Agar nashe ya neend mein talaaq di to waqe hogi ya nahin?
A. Agar kisi ne nasha pikar talaaq di to bhi talaaq hojaegi -nasha chahe sharab pine se ho ya bhang ya afyoon ya chars ya kisi aur cheej se har haal mein talaaq hojaegi haan albattah agar kisi ne use majboor karke yani qatal ya ang kaat dene ki dhamki ya dhoke se nasha piladiya ya haalate iztaraar (pyaas se mar raha tha aur koi halaal cheej pine ko na thi to aisi haalat mein sharab wagairah nasha vaali cheej pi aur usi ke nashe mein talaaq di ho to ab iss surat mein talaaq (divorce) waqe nahi hogi + neend mein di jaane vaali talaaq bhi nahi hogi

Q.13. Agar sirf darane ya dhamkane ki niyyat se talaaq di to waqe hogi ya nahi ?
A. Talaaq dene mein talaaq ki niyyat karna jaruri nahi zabaan se talaaq ke alfaaz adaa hoge to talaaq hojaegi ab chahe woh sanjeedgi se ho ya mazaaq se ya darane dhamkane ki niyyat se ho yahan tak ki agar zabaan se koi aur lafz kehna chahta ho aur talaaq ke alfaaz nikal jaen ya lafze talaaq bola magar uska matlab nahi janta ya bhool kar ya gaflat mein talaaq di to in tamam suratun mein talaaq hojaegi  Lihaaza aam tor par log jo uzar pesh karte hain ki hamari niyyat talaaq ki nahi thi balki sirf darana maqsad tha to in baatun ka shariat mein koi aitbaar nahi

Q. 14. Agar koi na baalig ya paagal talaaq dede ya ladki na baaligah ya paagal ho to uss surat mein talaaq ka kya hukam hai ?
A. Na baalig aur paagal na khud talaaq de sakte hain aur na hi unki taraf se unke wali (sarparast) de sakte hain aur di gai to yeh talaaq waqe nahin hogi kyunki talaaq ke liye shohar ka Aaqil (aaqil-baalig) ho a shart hai al battah agar ladki na baligah ya paagal hai lekin talaaq dene vaala aaqil baalig hai to talaaq ho jaegi na baalig ladke ka baap jiss tarah apne bete ka nikaah kar sakta hai iss tarah talaaq nahi de sakta

Q. 15. Agar talaaq ko kisi shart par moa'alaq kya to talaaq kab waqe hogi ?
A. Agar talaaq ko kisi shart par moa'alaq (chhorha) kya jaise shohar ne biwi se kaha agar tu falaan rishte daar ke ghar gai to tujhe talaaq hai aisi surat mein agar aurat uss rishte daar ke ghar chali gai to talaaq padh jaegi lekin talaaq utni hi padegi jitni ussne kahin jaise upar ki misaal mein uss rishte daar ke ghar jaane se 1 talaaqe rajee padegi haan agar shohar 2 ya 3 ko moaalaq karta to utni talaaqen hi padti jitna ussne kahi thi

Q. 16. Agar koi gusse ki haalat mein apni biwi ko walidain (perents) ya kisi aur rishte daar ke yahan jaane se ruke aur kahe agar tu falaan ke ghar gai to tujhe 3 talaaq lekin baad mein uss par pachhtae aur walidain se milne ki ijazat  hi dena ho to kya kare jisse aurat walidain ke ghar bhi jaa sake aur 3 talaaqen bhi na ho ?
A. Shohar ko chahiye ki aurat ko 1 talaaq dede fir iddat guzarne ke baad aurat walidain wagairah ke ghar jae fir shohar usse new sire se nikaah karle ab agar aurat pehli se mana ki hui baat se fir walidain ke ghar jaegi to ab koi talaaq na hogi lekin yeh tariqah usi waqt kaam ka hai jab shohar pehle zindgi mei 2 talaaqen na de chuka ho agar pehle se hi allredy 2 talaaq de chuka hai to ab hargiz talaaq na de ki iss surat me 3 tisri talaaq bhi waqe hojaegi to jiss cheej se chhutkare ka iradah tha usi mein fans jaega ab halaala kiye bina rujoo na ho sakega (bahare-shariaat 44/8)
Hi My All dear readers yeh chand masail hain talaaq ke mutaaliq jinko padhkar kafi maalumaat hasil hui hogi aapko insha allah isi topic par aur bahut se sawalaat abhi baqi hai jinko fir kabhi update karunga insha allah agar aapki yeh jaankari achhi lage to apne dostun ko bhi shear karen allah aapko ajar ata farmaega
By- SKB-
www.aboutislam786.blogspot.com
16 Top Secret Divorce-Talaaq Ke All Masail Islamic Best Knowladge 16 Top Secret Divorce-Talaaq Ke All Masail Islamic Best Knowladge Reviewed by shahadatsherani indian on 07:34:00 Rating: 5

No comments:

Aapko ye post kaisi lgi ? Apni raay comments box me jarur de.or hmari honsla afzai kren.Aapki raay hmare liye keemti hai.

Powered by Blogger.