Fazaile Ramzan Kareem In Hindi Urdu English With Quraan-O-Hadees Ki Roshni Mein

www.aboutislam786.blogspot.com
Fazail Mahe Ramzan
Mahe Ramzan Ke Fazail In Quraan & Hadith Barkat Wala Azmat Wala Mah
Mah-e-Ramzan ke fazail ko iss chhoti si post me bayaan karna mumkin nahin fir bhi kuchh mostly line jo ramzan ki fazilat ko samjhne mein kafi madad karegi insha allah taala 

marhaba sad marhaba fir aamade ramzan hai * khil uthe murjhae dil tazaa huaa imaan hai * 
hum gunah gaarun pe yeh kitna bada ahsaan hai * ya khudaa tune ataa fir kardiya ramzan hai 
tujhpe sadqe jaaun ramjaan tu azeemusshaan hai * ki khuda ne tujh me hi naazil kiya quraan hai * -ya illahi tu madine me kabhi ramzan dikha * muddatun se dil me yeh attar ke armaan hai ¡¡¡

my all dear readers allah paak ka crodun baar ahsaan-e-azeem hai ki ussne humen mahe ramzan kareem jaisi azeem nimat se nawaza mahe ramjaan ke fazail ka kya kehna iski to har ghadi rehmat bhari hai iss mahine me ajar vo sawab 70 guna badh jaata hai nafal ka sawab farz ke barabar aur farz ka 70 guna kardiya jaata hai balki iss mahine me to roze daar ka sona (sleep) bhi ibadat me shumaar kiya jaata hai arsh uthane wale firishte  rozah darun ki duaa par aameen kehte hain aur 1 hadees ke mutabiq ramjaan ke rozedaar ke liye darya samandar ki machhliyan bhi iftaar tak duaa-E-magfirat karti rehti hain 

Roza I-baadat Ka Darwazah Hai
rozah 1 baatni (chhupi) ibadat hai kyunki hamare kahe bagair kisi ko yeh ilm nahi ho sakta ki hamara rozah hai aur allah taala ko baatni ibaadat bahut ziyadah pasand hai to hadise paak ke mutabiq rozah ibaadat ka darwazah hai ( aljaamiu sageer peg.146)

Quraane Paak Ka Nuzool Kab Huaa
mahe ramzan ki 1 sabse badi khususiyat yeh bhi hai ki allah paak ne iss mahe mubarak me quraane azeem ko nazil farmaya hai chunanche quraan majeed me khudae rehmaan ka farman (oder) hai 


[ شَہۡرُ رَمَضَانَ الَّذِیۡۤ اُنۡزِلَ فِیۡہِ الْقُرْاٰنُ ہُدًی لِّلنَّاسِ وَبَیِّنٰتٍ مِّنَ الْہُدٰی وَالْفُرْقَانِ ۚ فَمَنۡ شَہِدَ مِنۡکُمُ الشَّہۡرَ فَلْیَصُمْہُ ؕ وَمَنۡ کَانَ مَرِیۡضًا اَوْ عَلٰی سَفَرٍ فَعِدَّۃٌ مِّنْ اَیَّامٍ اُخَرَ ؕ یُرِیۡدُ اللہُ بِکُمُ الْیُسْرَ وَلَا یُرِیۡدُ بِکُمُ الْعُسْرَ ۫ وَ لِتُکْمِلُوا الْعِدَّۃَ وَ لِتُکَبِّرُوا اللہَ عَلٰی مَا ہَدٰىکُمْ وَلَعَلَّکُمْ تَشْکُرُوۡنَ ﴿۱۸۵]
Translet kanzul imaan---ramzan ka mahina jissme quraan utra logun ke liye hidayat aur rehnumai aur faisla ki roshan baaten,to tum mein jo koi yeh mahina paae jaroor roze rakhe,aur jo bimaar ya safar me ho to utne roze,aur dinun mein, allah taala tum par aasani chahta hai aur tum par dushwari (mushkil) nahi chahta aur isliye ki tum ginti puri karo, allah ki badai bolo, is par ki usne tumhen hidayat ki aur kahen tum shukar guzaar ho,

What Is Ramzan-Ramzan Ki Taareef 
iss uper ki aayate muqaddas ke pehle hisse me [shahru-ramazan allazi] ke bare me muffasire shaheer mufti ahmad yaar khan a.r. farmate hain ki Ramazan ya to Rehman ki tarah allah taala ka Name hai kyunki iss mahine mein raat din (Day-Night) allah ki ibadat hoti hai lihaaja shehre ramazan yani allah taala ka mahina kaha jaata hai jaise masjid vo kaaba shrif ko allah ka ghar kaha jaata hai ki wahan allah taala hi ke kaam hote hai aise hi ramzan allah ka mahina hai ki is mahine mein allah ke hi kaam hote hai For Exampel rozah, tarawih,magar halate rozah jo jaiz nokri aur tijaarat ki jaati hai woh bhi allah hi ke kaam qaraar pae jaate hai isliye bhi is mah ko allah hi ka mahina kaha jata hai ya fir yeh [Rmzaaun] se mushtaq hai ramzaaun mosame khreef ki barish ko kehte hain jisse zameen dhul jaati hai aur Rabie, ki fasal khoob hoti hai kyunki yeh mahina bhi dill ke gardo gubaar ko dhodeta hai aur isse aamal ki khaiti hari bhari rehti hai is liye ise ramjaan kehte hain ----sawan mein rozana baarishen chahiye- aur bhaaduw me 4 fir aasarh-mein 1 is ek se khetyan pak jaati hain to is tarah 11 month barabar nekyan ki jaati rahen fir ramajaan ke in 30 rozun ne in nekyun ki kheti ko paka diya  ya yeh [Ramz] se bana hai jiske matlab hai Garmi ya jalna chunki isme musalmaan bhook aur pyaas ki tapish ko bardasht karte hain ya fir yeh Gunaahun ko jalaa dalta hai is liye ise ramjaan kaha jaata hai Hazrate anas r.t.a. farmate hain ki Nabi-e-paak s.a.w. ne irshad farmaya is mahine ka name ramajaan rakha gaya hai kyunki yeh Bandun ke tamam gunaahun ko jalaa deta hai 

Mahinun Ke Name Ki Wajuhaat (Means)
kuchh muffasireen ka kehna hai ki jab mahinun ke name rakhe gae to jiss mosam mein jo mahina tha usi se uska name huaa jo mahina garmi mein tha use ramzan,kehdiya gaya aur jo mosame bahaar me tha use rabieul awwal, kehdiya gaya aur jo sardi me tha use jamadil awwal,kehdiya gaya islaam mein har name ki koi na koi wajah hoti hai aur name bhi kaam ke mutabiq hi rakha jata hai dusri istalahaat me yeh baat nahin hamare yahan bade jaahil ka name mohammad fazil, aur buzdil, ka name sher bahadur, hota hai aur bad surat ko yosuf khan, kehte hain, magar yaad rahe ki ramzan mein yeh buraiyan nahi thi balki bahut sari khubiyun ka khazana tha is liye iska name Ramzan huaa [tafseere-Naimee]

Sone Ke Darwaze Vaala Mahal (Gold-Mahal)
sayyaduna abu saeed khudri r.t.a. se riwayat hai ki nabie paak s.a.w. ka farmaane azmat aali nishaan hai ki jab mahe ramzan ki pehli raat aati hai to aasmaan aur jannat ke tamam darwazeh khol diye jaate hain.aur aakhir raat tak band nahi hote jo koi banda is mah ki kisi bhi raat me namaz padhta hai to allah uske har sajde ke badle me uskr liye 1500 so nekyaan likhta hai aur uske liye jannat me surkh yaqoot ka ghar banata hai jisme 60 hazaar darwaze honge aur har darwaze ke pat sone ke honge jinme surkh yaqoot jadhe honge  to jo koi banda mahe ramjaan ka pehla rozah rakhta hai to allah taala mahine ke aakhri din tak uske gunaah muaaf farmadeta hai aur uske liye subah se shaam tak 70 hazaar frishte duaae magfirat karte rehte hai raat aur din me jab bhi jab woh sajdah karta hai uske har sajde ke badle use jannat me -1- aisa darakht ataa kiya jaata hai ki uss darakht ke saaye me ghorhe (hours) sawaar 500 baras tak chalta rahe [shoabul-imaan314]

Mahe shabaan Ke Fazail Wazaif Nawafil Yahan Pdhen👈

Mahe Rajab Ke Fazail Wazaif Nawafil Yahan Padhen 👈

Gunaahun Ki Sazaa Dunya Mein Hi Milti Hai Padhen👈



Fazaile Ramzan Kareem In Hindi Urdu English With Quraan-O-Hadees Ki Roshni Mein Fazaile Ramzan Kareem In Hindi Urdu English With Quraan-O-Hadees Ki Roshni Mein Reviewed by shahadatsherani indian on 12:38:00 Rating: 5

No comments:

Aapko ye post kaisi lgi ? Apni raay comments box me jarur de.or hmari honsla afzai kren.Aapki raay hmare liye keemti hai.

Powered by Blogger.