Mahe Shabaan Ki Fazilat Hadith ki Roshni Me Most Wanted Knowladge

Mahe Shabaan Ki Fazilat Quraan Aur Hadees Ki Roshni Me Full Giude 
www.aboutislam786.blogspot.com
Shabaan Ki Fazilat
Mahe Shabaan islami saal ke hisaab se Aathwan (8) mahina hai Is mubark aur pyare mahine mai allah taala apne khaas karam se apne tamam momin bande aur bandiyun ki nizaat (chhutkara) ka samaan fraham farmata hai Is Mubarak mahine me barkaten hasil karne ke liye allah ke pyare rasul Mustafa-jane-alam-sallallaho-alahe-wa-sallam ne farmaya- Shaban mera mahina hai, razab allah ka mahina hai aur ramjaan meri ummat ka mahina hai Shaban  gunaho ko door karne wala aur ramjaan gunahun se paak karne wala mahina hai Razab wa ramzan ke bich mai shaban ka mahina hai Log uski qadar nahi karte jabki is mahine mai bandun ke aamaal (karname) allah taala ke darbar main pesh kiye jate hain, isliye main yeh ziyadah pasand karta hun ki mere aamaal allah ke darbar main jab pesh kiya jaae to main roze ki halat me rahun,

Mohammad-E-Arabi- sallallaho-alahe-wasallama ka farmaane azmat aali nishan hai ki
Mahe shabaan  ko saal ke dusre tamam mahinun par aise fazilat hasil hai jaise mujhe saare nabiyun par fazilat hasil hai aur mazeed (ziyadah) yeh bhi farmaya ki Jab shabaan ka mahina aye to apne nafsun ko ramzaan ke liye paak kar liya karo aur apni niyat achhi rakho to uss shakhs ke liye meri shafa-at halal ho gayi (yani mein uski shafaat jaroor karwaunga)

Tafseer ki badi badi aur mashoor kitabon main shabaan ki 15th raat ke 4-name likhe milte  hain 

1• Laylatul Mubarak (Barkat wali raat) 
2•Laylatul bara-at (Magferat wali raat) 
3• Laylatur rahmat (Rahemat wali raat)
4• Laylatul saak  (Nizat ka parwanah milne wali raat)

☆☆☆Mahe Rajab Sharif Ki Fazilat Wazaif Full Giude Most Read
☆☆☆Kunde Ki Fatiha Kab Kaise Kahan Lagani Chahiye Full Giude

Hazrate Abu-Hurairah-radiallaho-taala-anho-farmate 
hain ki
Allah ke rasul sarware kaainaat s.a.w. ne farmaya- shabaan ki 15th  raat mai  hazrat jibraeel a.salam mere pass aye aur araz kiya ya rasul allah s.a.w. apna Sar (head) aasman ki taraf uthaein  maine puchha-yeh koun si raat hai? To jibraeel.a.salam ne bataya- ya rasul allah s.a.w.yeh badi Mubarak raat hai Is raat me allah paak apni rahemat se badmazhabon, mushrikon, jadugaron, kahinon, janiyon, aur aadi sharibiyon ke siwae sabko bakhsh deta hai 1 aur dusri hadees shreef mai hai- muslmaanon mai foot-kinaa dalne walon, sood (intrest) khane walon, ghamad vo guroor se takhne, ke niche tak lungi payjama latkane walon, maa-baap ki naa farmani karne walon ko bhi nahi maaf farmata Haan agar yeh log apni in buraiyun ko  dobarah naa karne ka pakkah irada  karke sachhe dil se tawbah kare to allah ki rahemat se qarib hai ki inko bhi bakhsh de

Hazrate Sayyaduna Abu-Bakare-Siddiqu-Radiallaho- farmate hain ki 
Allah ke rasul s.a.w.ne farmaya- shabaan ki 15th raat main nafal namazen padho 15 tarikh ka roza rakho yeh barkat wali raat hai Allah paak is raat me apne bandon ko bula-baulakar apni rehmaten dene aur lutane ka Eilaan farmata hai ki hai koi bimar be rozgaar preshaan dukhi ki unko shifa rozzi chain sukoon mange aur mein unko ataa karun subhaan allah kya mere rab ki sakhawat vo karimi hai ki nidaaen de de kar bulaya ja rahha hai 

Allah ke Nabi Sarware Kainaat S.A.W. Ne Farmaya Ki 
saal bhar mai jo paidah (born)  hone wale hote hain woh is raat likh diye jaate hain aur saal bhar main jitne marne(deth) wale aur halaak hone wale hote hain woh bhi iss raat me likh diye jaate hain Issi raat bando ke amaal Darbare elahi mai pesh kiye jaate hain aur issi raat mai logo ki rozi (rizqq) utari jati hai

Hi my all dear friends Allah ki bargah me yeh duaa hai ki hum sabko sirate mustqeem par chalne ki tofeeq bakhshe aur sahi maanun me mahe shabaan ki qadar karne aur roze vo nawafi ziyadah se ziyadah ada karne ki himmato quwwat ata farmae aameen ya rabbal aalameen
Agar aapko yeh articels achha laga to apne dostun ko bhi shear karden insha allah aapko bhi iska ajar (prize) milega allah kisi ke ajar ko zaaie nahi farmata
Next chapter mahe shabaan ki duaa aur fazilate shabe qadar likhunga tab tak aap sabko dil se shukarya 

Mahe Shabaan Ki Fazilat Hadith ki Roshni Me Most Wanted Knowladge Mahe Shabaan Ki Fazilat Hadith ki Roshni Me Most Wanted Knowladge Reviewed by shahadatsherani indian on 22:38:00 Rating: 5

No comments:

Aapko ye post kaisi lgi ? Apni raay comments box me jarur de.or hmari honsla afzai kren.Aapki raay hmare liye keemti hai.

Powered by Blogger.