Umrah Kya Hai Very Important Information In Hindi Urdu

www.aboutislam786.blogspot.com
Umrah Kya Hai?
Umrah Kya Hai Aur Iske Masail
Umrah ka matlab ziyarat ke hain aur sharee mayna Miqaat se ahram baandh kar khana-e-kaaba ka tawaf karne aur safa marwa ke darmyan saee karne ke hain
Umrah ko Hajj-e-Asgar (small) bhi kehte hain sahibe istata'at aur ahle sarwat (maal dolat himmat o taqqat) ke liye zindgi mein 1 baar umrah karna sunnate moaakidah (zaruri) hai aur baaz ulmaa ke nazdeek wajib

Hadees shrif se umrah ki bahut fazilat sabit hoti hai khaas kar mah-e-ramdan mein umrah karne ko to huzoor s a.w. ne apne saath hajj karne ke barabar farmaya hai ki jo shakhs mahe ramdan shrif mein umrah kare goya ussne mere (mohammad s.a.w.) saath hajj kiya subhaan allah allah aapko tofeeq de to ramdan kareem mein 1 baar zaroor umrah kijiye

Umrah Ke Faraizz-o-Wajibaat Kitne Aur Kya Hain?
Umrah mein 2 kaam karna farz hai
1-Ahram 2- tawaf khana-e-kaabatullah shrif fir ahram mein 2 baaten farz hain

1- Niyyat 2- Talbiyah aur tawaf mein sirf niyyat farz hai

Umrah mein 2 baaten wajib hain 1- safa wo marwah ke darmiyan saee 2- Tawaf wo saee se farig hokar sar mundana ya kuchh baal katarwana

Hajj-o-Umrah Me Kya Farq Hai ?
Hajj ke liye 1 khaas time muqarar hai jabki umrah saal ke kisi bhi waqt mein kiya jaa sakta hai magar 9 zil-hajjah se 13 zil-hijjah tak umrah makruh hai kyunki yeh khaas hajj ke din hain

Hajj life me 1 baar farz hai jo arkane islam mein se hai lekin umrah farz nahi

Hajj ka time nikalne ke baad dusre dinun mein nahi kar sakte magar umrah kisi bhi waqt kiya jaa sakta hai

Hajj mein tawafe qadoom wo widaa (rukhsati) hota hai lekin umrah mein yeh donun nahi aur na hi umrah mein waqufe arfah wo muzdalfah rami (kankari phenkna) na hi qurbani etc. hai

Umrah fasid (kharaab) hone par ya na paaki ki halat mein tawaf karne se 1 bakri zibah kardene se batore dam (badla) kafi hojata hai magar hajj mein nahin

Umrah mein talbiyah (labbaika allahuma labbaik)  tawaf shuroo karne ke waqt band kardiya jata hai aur hajj ka talbiyah 10 zil-hajjah ko shaitan par kankri maarne ke waqt band karte hain

Hawai Jahaj se jaane vaalun ko chahiye ki woh maqami airport se hi ahram baandh len miqaat se ahraam baandhne ki shart unke liye hai jo direct maccah jaane ki niyyat rakhte hon haan agar koi mulazimat ya mulaqaat ya fir kisi aur zarurat se jiddah ya madinah munawarah se umrah ki niyyat se maccah e moaazamah jaana chahe uss waqt jiddah ya madinah ki miqaat se ahram baandh len
Hi my all dear readers ummed hai ki umrah kya hai ke taaluq se aap iss post ko padhne ke baad jaan gae honge agar aap jaan na chahte hain ki Umrah Ka Tariqah Kya hai To Yahan Par Click Kare Insha allah aapko complet details mil jaegi aur islamik maalumat ki ziyadah information ke liye dekhte rahen hamari website www.aboutislam786.blogspot.com

Umrah Kya Hai Very Important Information In Hindi Urdu Umrah Kya Hai Very Important Information In Hindi Urdu Reviewed by shahadatsherani indian on 19:16:00 Rating: 5

1 comment:

  1. Assalam-O-Alaikum
    The peak times of pilgrimage are the days before, during and after the Hajj and during the last ten days of Ramadan.
    if you are from Muslim Community of UK Get the benefit of Cheap Umrah Packages this year with Al Hijaz Tours and make your journey the most tremendous and comfortable.
    Cheap Umrah Packages 2017.

    ReplyDelete

Aapko ye post kaisi lgi ? Apni raay comments box me jarur de.or hmari honsla afzai kren.Aapki raay hmare liye keemti hai.

Powered by Blogger.