Zakat Ke Masaile In Hindi Urdu | Zakat Kaise Ada Kare All Abou Of Islamic Charity

Zakat Ke Masail In Hindi' Urdu' | Ahkam e Zakat By Quraan O Sunnat | What Is Charity In Islam


Zakat ke masaile' zakat ke ahkam' charity in islam. All about zakat
All masail-e-zakat hindi urdu

Zakat islam ke most 5 arkaanun (pilers) mein se 1 hai jiska quraan mein kai bar zikar aaya hai allah ne apne bandun ko alag alag andaz se iske fawaid aur ajar bataya hai Al Quraan اقيمو الصلاة وآتوالزكاةNamaz padho aur zakat adda karo jo log allah ki rah me kharch karte hain unke liye allah ke yahan bahut bada ajar hai aur jo bukhal kanjosi kare unke liye dardnaak azaab

Benefits Of Zakaat | charity |  In Quraan | Zakat Ki Fazilat By Quraan & Hadees 

Allah ta’ala farmata hai kamyabi pate hain wo log jo zakat adaa krte hai aur farmata hai jo kuchh tum kharch kroge Allah ta’ala uski jagah aur dega
aur Allah behtar rozi dene wala hai
aur farmata hai jo log bukhal krte hai
uske sath jo Allah ne pne fazal se unhe diya wo ye gumaan na kare ki yeh unke liye achha hai balki yeh unke liye bura hai usi cheej ka qayamat ke din unke gale mein TauQ dala jaega jiske sath Bukhal kia

Zakat Nikalne Ke Liye Most and Very Esey Calculator For Calculation Aap yahan se Downlod Kar Sakte Hain 


 √ ZAKAT_CALCULAITION _CALCULETER



Zakat Farz Hone Ke Liye Kya Kya Sharten Honi Chahiye Masail e Zakat

  • Muslman hona
  • Balig hona,
  • Aqil hona,
  • Azad hona,
  • Malike Nisab,
  • pure taur par malik hona,
  • Nisab ka hajate asliya se farig hona

(yani ghar me istemal vaali
chizon se alag itna maal hona jitne par zakat wajib hai maal ka apne name me hona zaruri hai utni raqam par ek saal gujarna jitni par Zakat wajib hai agar ek saal pehle zakat wajib hone se kam paise the to uspar abhi zakat Nahi deni hogi
(Q. Shariat)

Shab-e-Qadar Kya Hai Complet Information With Nawafil & Duaa👈


Eid-ul-Fitar wa Adha Ki Namaz Kaise Padhen Complet Tariqah In Hindi Urdu👈


Zakat Ke Jaruri Masail In Hindi Urdu All Question & Answer About Zakat 


Q.1-Zakaat Ke Logvi Kya Matlab Hain?

Paaki aur badhotri ke hain

Q.2-zakaat ki sharee taareef kijiye?

Maal e makhsoos ka makhsoos sharait ke saath kisi mustahiq e zakaat ko malik banana

Q.3-Kitna sona (gold) ya chandi (silver) ho to zakaat farz hoti hai?

Gold 7/5 sadhe 7 tola ya usse ziyada ho aur Silver 52/5 sadhe 52 tola ya usse ziyada ho to zakaat farz hoti hai

Q.4- Zakat farz hone ke liye kitne rupey (money) honi chahiye

Itna rupaya paisa ho ki jiss se 52/5 tola chandi ya 7/5 sadhe 7 tola sona kharida ja sake

Q.5- Kitna maal e tijarat ho to zakat farz hoti hai

Uski maaliyat sadhe 52 tola chandi ke barabar ho

Q.6- Agar kuchh sona hai kuchh chandi hai ya kuchh sona hai kuchh naqad (cash) hai ya kuchh chandi hai kuchh maal e tijarat hai in sab ko milakar dekha jay to 52/5 sadhe 52 tola chandi ki maaliyat banti hai iss surat mein zakat farz hai ya nahi ?

Iss surat mein bhi zakat farz hai uska maal nisaab ko pahunch gaya sab milakar

Q.7- Charne vaale maveshiyun [gaay.bakri.bhen. Ount.] par bhi zakat farz hogi ya nahi?

Ji in sab par bhi zakat farz hai

Q.8- Ushri zameen ki paidawar par bhi zakat farz hai ya nahi?

Ji ushri zameen ki paidawar par bhi zakat farz hogi 10÷

Q.9- 1 sahib e nisab shakhs ko darmiyani saal mein 35 hazaar ki aamdani hui to kya yeh 35 hazaar Rs bhi zakat ke maal mein shamil kiye jaaenge ya nahi ?

Ji iss benifit 35 thousand ko bhi shamil kiya jaega

Q.10- Kaam karne vaale ke pass 2 tarah ka maal hota hai 1 khaam (kaccha) maal jo chijun ki tayari mein kaam aata hai aur 2 dusra tayar hoya huaa maal in donun qisam ke maalun par zakat farz hai ya nahi

Ji donun type ke maal par zakat farz hai

Q.11- Masheenri aur dusri woh chijen jinke jarye maal tayar kiya jata hai in par zakat farz hai ya nahi ?

Ji in par zakat farz nahi hai

Q.12- Jo zewar [gold.silver] istemal kiye ja rahe ho un par zakat farz hai ya nahi ?

Ji in istemal shudah zewrat par zakat farz hai

Q.14- Zakat konse mahinun ke hisab se nikaki jaygi English ya Urdu ?

Qamri Yani Urdu Month Ke Hisab Se nikali jay English tareekh se haram hai

Q.15- Plot iss niyat se liya tha ki isko bech (sale) denge to uss par zakat wajib hogi ya nahi ?

Ji sale (bechne) ki niyat thi to iss surat mein zakat wajib hai warna nahi

Q.16- Plot kharidte waqt to bechne ki niyat nahi thi lekin baad mein sale karne ka iradah ho gaya to iss surat mein zakat farz hogi ya nahin?

Jab plot bechdiya jay aur raqam par 1 saal pura guzar jay tab zakat farz hai agar pehle se sahib e nisaab hai to yeh paise nisaab mein mil jaaenge

Q.17- Jo plot rihaishi makan ke liye khrida gaya ho uss par zakat farz hai ?
Ji nahi rehne aur makan banane ke liye jo plot khrida yeh jarurat hai iss liye iss par zakat nahi

Q.18- Agar plotun ki kharid frokht (sale.parcheg) ka karobar kiya jay aur bechne ki niyat se kharida jay to zakat kis tarah ada ki jaygi

Inki kul maaliyat par zakat har saal deni wajib hogi

Q.19- Jo makan ya dukaan kiraye par diya hai uski zakat ka kya hukam hai?

Uske kiraye par jabki nisab ko pahunche to zakat wajib hogi

Q.20- Agar kisi ne hajj ke liye raqam jmaa karke rakhi hai to uss par bhi zakat farz hai ?

Ji agar uss raqam par pura saal beet gaya ho to uss par bhi zakat farz hai

Q.21- Kisi ko hum zakat den aur usko bataya nahi to kya zakat adda hogai?

Ji adda hojaegi batana farz nahi hai

Q.22- Mulazim (nokar) ne ziyadah salery ka mutalba kiya to malik ne zakat ki niyat se tankhawah badhadi uss surat mein zakat adda hogi ?

Ji nahi aisi surat mein zakat nahi hui

Q.23- Kya income teax adda karne se zakat adda hogi ?

Ji nahi hogi

Q.24- Kya apne maa baap aur apni aulad isi tarah shohar biwi 1 dusre ko zakat de sakte hain ?

Ji nahi de sakte

Q.25- Jo log khud sahib e nisaab ho unko zakat dena jaiz hai ?
 Ji nahi de sakte

Q.26- Nabi e paak s.a.w. ke khandaan (hashmi) hazrat ko zakat de sakte hain ?

Ji nahi de sakte unke liye zakat ka maal jaiz nahi

Q.27- Apne bhai ya behan chacha bhatije mama bhanje ko zakat dena jaiz hai ?

Ji in logun ko zakat de sakte hain magar haqiqat mein mustahiq ho to warna nahi

Q.28- Nabi-e-akram s.a.w. ke khandan yaani aal-e-ali aal-e-uqail all-e-jaafar all-e-abbas all-e-haris bin abdul muttalib in 5 buzurgun ki nasal se ho to inko zakat di jaa sakti hai ?

Ji nahi di jaa sakti yaar pehle bhi bataya aapko samjhte nahi ho aap

Q.29- Agar sayyad greeb (por) aur zarurat mand ho to inki khidmat kaise karni chahiye ?

Zakat aur sadqaat o fitraat ke allawah dusre bhi kafi raste hain bas unhi se madad karni chahiye aur unki khidmat karke apne aap ko khush qismat bhi samjhna chahiye

Q.30- Achha in sadaaat ko (aal-e-nabi) ko zakat kyun nahi di jaati hai ?

Iss liye ki zakat logun ke maal ka mail hai aur aal e nabi par yeh haraam hai

Q.31- Sayyad ki gair sayyad biwi jo ki zakat ki mustahiq ho to usko di jaa sakti hai ya nahi ?

Ji haan uss gair sayyad ko de sakte hain agar mustahiq ho to

Q.32- Maaldar biwi ka greeb shohar biwi ke siwa dusrun se zakat le sakta hai ?

Ji haan le sakta hai agar mustahiq hai

Q.33- Gair muslim ko nafli sadqah de sakte hain kya woh zakat aur sadqah e fitar ke bhi mustahiq hain ?

Ji nahi de sakte na zakat na fitra na sadqah han dusre fand se insaniyat ke naate madad kare to koi harj nahi

Q.34- Madaris-e-islamiyan me zakat dena kaisa hai ?

Bahut achhi baat hai de sakte hain deen ki isha'at ke liye jitna ho sake aap full help karen kyunki yahi madarise islamiyan deen ki baqaa hai

Q.35- Sahib e nisaab log bhi khud ko miskeen zahir karke zakat hasil karlete hain isska kya hukm hai ?

Aise logun ko zakat lena haram hai jo khud sahib e nisaab ho aur aise logon ko zakat dena hi nahi chahiye

Q.36- Chandah vasool karne vaale ko zakat se muqarrarah hissa dena jaiz hai ya nahi

Ji nahi aisa fixing ka paisa  jaiz nahi

Q.37- Zameen barish ke pani se serab hoti hai to paidawaar uthne ke waqt uss par kitna hissa allah taala ki raah mein dena wajib hai

Agar barish se hai to 10 vaan hissa aur agar khud ke pani se kiya jae to 20 vaan hissa for example
100_10 agar 100 kg anaj huaa woh bhi barish ke pani se to 10kg aur agar khud ne serab kiya to 20 vaan hissa 100_5 yani 100 kg mein se 5kg dena padega isi ko ushar kehte hain

Q.39- 1 mulk ki currency se zakat adda karke dusre mulk bheja jae to zakat ki adaigi ka eatbaar kis mulk ki currency ka hoga?

Jiss mulk se zakat adda ki gai usi ka eatbaar hoga

Q.40- Rehne ka ghar jism ke kapde ghar ka samaan sawari wagairah mein zakat farz hai ?

Ji nahi ghar aur uski zaruriyat ke saman mein zakat nahi misal ke tour par ghar mein moter ciycel ya aur koi sawari gadi hai jiski qimat agarche lakhun ki ho uss par zakat nahi hogi

Q.41- Agar kisi shakhs ka faqeer ke pass qarz ho aur woh zakat ki niyat se uske qarz ko chhodhde to iss surat mein zakat adda hojaegi ?

Ji nahi aisa nahi kar sakta zakat sahi adaa na hui malik banana zaruri hai


Q.42- Zakat ka sahi maanun mein haqdaar kon hai aur kisko di jae details se bataen

Zakat in logun ko di jaa sakti hai


  • [Faqeer
  • [Miskeen
  • [Aamil
  • [Raqqab
  • [Gaarim
  • [Fi-sabilillah
  • [Ibnus-sabeel
Har 1 Ki Taareef (introduction) Bas Aap Iss Chepter Ko Achhi Tarah Dimaag Mein Bithalen Insha Allah Zakat Ke Tamam Masail Samajh Jaenge


FAQEER:Faqeer Use Kahenge Jiske Pas Kuch Ho Magar itna Na Ho Ki Khud Zakat Dene Ke Layeq Ho,Ya Nisab Ke Barabar Ho Magar Wo chize Uski Hajate Asliya Me Ho Yani Uski Apni Zaruraton Ke liyeMas'ala:Faqeer Agar Alime Deen Ho To use Zakat O Sadqat Dena Jahil Ko Dena Se Afzal HaiMagar Aalime Deen Ko Dete Waqt uske Martabe Ka Lihaz Zaroori Hai,Is Adab Ke Sath Pesh Kare Jaise Chota Apne Bade Ko Nazr Pesh Karta Hai,Agar Dil Me Alim ki Hiqarat Aai To Ye Hilakat (Barbadi) Aur Sakht Barbadi Hai
Miskeen:Miskeen Wo Hai Jiske Pas kuch Na ho Yahan Tak Ki Khane Aur Badan Chupane Tak Ke Liye Mohtaj Ho, Aisa Sakhs Logo Se Sawal Kar Sakta Hai, Magar Faqeer Ko Sawal Karna Jayez Nahi, Q ki uske Pas To Hajat Bhar Saman HaiMas'ala:Miskeen Ko Sawal Halaal Hai Aur Faqeer Ko Sawal Najaiz Hai. Isliye Ke Uske Pas Khane Pine Aur Badan Chupane Ko Ho.Use Bagair Jarurat Wa Majboori Sawal Karna Haraam Hai 

Gaarim:Madyun Yani Qarazdar Jispe Qarza ho Use Bhi Zakat Dee Jaa Sakti Hai,Magar Uspe Itna Qarza Ho Ki Agar Wo Khud Zakat Dega To uska Maal Nisab Ke Barabar Nahi Rahega..Agarche Uska Bhi Auron Pe Baqi Ho Magar Use Wasool Hone Ki ummid Na Ho Ya wo Apne Qarazdaro Se Lene Par Qadir Na Ho.Magar Qarazdar Hashmi Na Ho 
FEE SABI'LILLAH:Yani Allah Ki Raah Me Kharch Karna Uski Chand Surten Hai,1. Masalan Koi Shakhs Jihad Me Jana Chahta Hai Magar Safar Kharch Pas Nahi Na Sawari Hai To use Zakat Dee Sakte Hai Agarche Wah Kama Sakta Ho.2. Agar Koi Haj Ko Jana Chahta Hai To Use De Sakte Hain, Magar Use Khud Sawal Karna Jayez Nahi3. Ya Talibe ILM Jo Ki Deen Ki Taleem Lena Chahta Hai,Use Zakat De Sakte Hain Aur Aisa Talibe ILM Apne Liye Sawal Bhi Kar Sakta Hai.Yun Hi Har Nek Baat Me Zakat Laga Sakte Hain Magar usme TAMLEEK (Malik Banana) Shart hai. Bagair Malik Banaye Zakat Ada Nahi Hogi
IBNUS SABEEL:Yani Musafir Jiske Pas Maal Na Raha Zakat Le Sakta Hai,Agarche Uske Ghar Maal Maujood Ho Magar Usi Qadr Le Jisse Hajat Puri Ho, Ziyadah Ki ijazat Nahi
AAMIL:Aamil Woh Hai Jise Badshah-E-Islam Ne Zakat Wa Ushar Wasool Karne Ke Liye Muqarrar Kiya Ho Use Kaam Ke Lihaj Se Itna Diya Jaye Ki Usko Aur Uske Madadgaro Ko Mutawassit (medium) Taur Par Kafi Ho Magar Itna Na Diya Jaye Ki Jo Wasool Kar Laya Hai Uske Aadhe Se Jyada Ho Jaye
RAQAAB:Bahu Aur Damaad Aur Sauteli Maa Ya Sautele Baap Ya Shohar Ki Aulaad Jo Uske Pet Se Nahi To In Sabko Aurat Zakat De Sakti Hai Yuhi Shohar Apni Biwi Ki Aulaad Ko Jo Iske Nutfe Se Nahi Zakat De Sakta HaiApni Asal Yani•Maa•Baap•Dada•Dadi•Nana•NaniWagairah Jinki Aulad Me Yah Hai.Aur Apni Aulad Yani•Baiaa•Bay'i•Pota•Poti•Nawasa•NawasiWagairah Ko Zakat Nahi De Sakta.Yunhi Sadqa-E-Fitr Wa Nazre Sharee Wa Kaffara Bhi Inhe Nahi De Sakta.Raha Sadqa-E-Nafl To Wah De Sakta Hai Balki Behtar Hai

Q.43- Agar kisi ne Adwance mein zakat dedi to uske liye kya hukam hai?

Agar advance mein yani ziyadah dedi to next time ki zakat mein shamil karle jitni ziyadah di hai usko agle saal - karle

Q.44- Zakat ko kiss hisab se nikali jay agar kisi ke pass 1000 ya 10000 ya 500000 ho to isko kis hisab se nikale?

Zakaat % ke hisab se nikali jaygi for example agar kisi ke pass 100 Rs hai to iski zakat 2.50 Rs hogi yani jitna paisa hai uska dhai 2/5 parsantese se nikale ab isi tarah se hisab lagata jay 1000 ki zakat 25 rs hogi 10000 mein 250 rs hogi 100000 ek laakh ki zakat 2500 rs hogi 10,00000 das laakh ki zakat 25000 hogi isi tarah 10000000 ek cror mein 2,50000 hogi kul milakar dhai % zakat nikali jaygi

Q.45- Kya fix deposit par bhi zakat wajib hai ?

Fix deposit karne vaala agar malik e nisab hai to sirf uski asal raqam par har saal zakat wajib hogi warna jab malik e nisaab hoga tab zakat wajib hogi

Q.46- Kya life insurance ki raqam par bhi zakat hogi ?

Ji haan agar life insurance karwai gai raqam tanha ya dusre amwaal se milkar nisaab ko pahunchti hai to uss par bhi zakat lagu hogi

Q.47- Kya bank ki raqam par bhi zakat wajib hai ?

Ji haan bank ki raqam par bhi zakat wajib hogi magar adda uss waqt ki jaygi jab nisaab ka kam se kam 5 panch vaan hissa wasool hojae

Q.48- Agar betiyun ki shadi ke liye raqam jamaa ki aur unke balig hone se pehle inko maalik banadiya to iske liye kya hukam hai ?

Iska hukam simple hai jab tak beti balig na hogi tab tak zakat nahi kyun ki zakat ki shartun mein balig hona lazim hai haan jaise hi woh balig hogi aur tamam sharten uss mein pai gai to un par bhi zakat farz hojaygi

Q.49- Kya masjid ya madarsa ki taameer ya pul ke durust karne mein zakat ka maal kharch kar sakte hain?

Ji nahi in ki madad aap alag fund se karen

Q.50- kya mayyat (death body) ko kafnane ya mayyat ke qarz ko pura karne mein zakat ka maal kharch karna jaiz hai ?

Ji nahi karsakte

Q.51- Kya mukammal nasab ki zakat 1 hi shakhs ko dena right hai?

Ji jaiz hai magar aisa karna makruh e tanzihi hai matlab shariaat mein aisa karne ko na pasand kiya gaya hai

Q.52- Bina jarurat ke 1 jagah se dusri jagah zakat ko muntqil karna kaisa hai ?

Aisa karna bhi makruh e tanzihi hai haan agar jarurat ho to dusri jagah bhejna koi galat nahi

Q.53- Ek shakhs jo zakat ka to mustahiq nahi hai magar woh doctor ban na chahta hai kya usko zakat di jaa sakti hai jabki woh malik e nasaab hai

Ji nahi di jaa sakti haan sadqaat e nafilah se uski help kar sakte hain

Q.54- Agar zakat kisi non-muslim gareeb ko de di jay to adda hogi ya nahi ?

Ji nahi hogi

Q.55-Kya madarse ke mohtmim ya naazim ko jo students ke vakeel hote hain unko zakat de sakte hain ?

Ji haan de sakte hain balki unko dena aur bhi afzal better hai

Q.56- Zakat ki addaygi ke liye sone (gold) ki price mein khareedne ka aitbaar hoga ya bechne ka ?

Bechne (sale) ka aitbaar kiya jaega

Q.57- Kya na balig beta ya beti ke maal par bhi zakat wajib hai ?

Ji nahi zakat balig par hi farz hai sirf sadqa-e-fitar har fard balig na baligun par farz hai

Q.58- Masjid ke imam ya moazzin ki monthly tankhwah (selery) ko zakat mein shamil kar sakte hain ?

Ji nahi imam o moazzin ki tankhwah mein shamil nahi kar sakte haan muddarid moaalim ko madarse ki tankhwah de sakte hain jabki uss raqam ka hila-e-sharee kiya gaya ho

Q.59- Kya ladki zakat ki raqam apne walidain maa baap ko de sakti hai

Ji nahi de sakti

Q.60- kya nafli sadqah ka gosht (meet) aur sadqaate wajibah jaise nazar etc. Khud sadqah karne wala istemaal kar sakta hai ?

Ji nafli sadqah ka ho to kar sakta hai magar nazar wagairah ka jo wajib hai istemaal nahi kar sakta


Tag about zakat:- Zakat kya hai, zakat ke masail, zakat kisko deni chahiye, zakat kab aur kaise adda karen zakat ke fawaid in quraan' masail e zakat in hindi' zakat ke masail in urdu' zakatvkitni nikalni chahiye' zakat k masail PDF hindi urdu English




Zakat Ke Masaile In Hindi Urdu | Zakat Kaise Ada Kare All Abou Of Islamic Charity Zakat Ke Masaile In Hindi Urdu | Zakat Kaise Ada Kare All Abou Of Islamic Charity Reviewed by shahadatsherani indian on 11:53:00 Rating: 5

No comments:

Aapko ye post kaisi lgi ? Apni raay comments box me jarur de.or hmari honsla afzai kren.Aapki raay hmare liye keemti hai.

Powered by Blogger.